HAMIDU Hassan Bobali, Msemaji Mkuu wa Kambi Rasmi ya Upinzani bungeni Wizara ya Maji ameitaka serikali itoe tathmini ya mradi wa kuvipatia maji vijiji 10 uliotekelezwa mwaka wa fedha wa 2015/2016, anaandika Wolfram Mwalongo.
Bobali amesema mradi huo ulitekelezwa pasipo kufanyika kwa upembuzi yakinifu kwenye maeneo yaliyo paswa kuchimbwa kwa visima hivyo.
Aidha amesema, visima vingi vilijengwa na tasisi za Dini ya Kiislamu na Kikristo na fedha hizo zikiingia mfukoni mwa watendaji wachache huku halmashauri zikidai kutekeleza mradi huo.
Hata hivyo katika kitabu cha mapendekezo ya Mpango wa Maendeleo wa Taifa kwa mwaka 2016/17 kuhusu miradi ya Maji Vijijini inaonesha kuwa, imejengwa miradi mipya ya maji 975 katika vijiji 1,206 kwenye vituo 24,129 katika Halmashauri 148.
Kambi ya Upinzani Rasmi Bungeni imeitaka serikali takwimu zikaeleza kwa uwazi kwa kila Halmashauri, kata gani, kijiji gani kati ya hivyo vijiji 1,206 na vituo 24,129 vipo katika kitongoji kipi, kwa mtiririko huo ni dhahiri hata maswali kwa Serikali yatapungua au udanganyifu unaofanyika utapungua kama sio kumalizika kabisa.
Mwita Waitara, Mbunge wa Jimbo la Ukonga, imeitaka serikali kuhakikisha inaweka huduma ya vituo vya polisi katika jimbo hilo jijini Dar es Salaam ili kukabiliana na matukio ya uhalifu yaliyoshamiri, anaandika Pendo Omary.
Akizungumza na MwanaHALISI Online jana Jijini Dar es Salaam, Waitara amesema “ jimbo zima la Ukonga hakuna kituo kikubwa cha polisi hata kimoja. Kwa sasa tunatumia kituo cha Stakishari kilichopo jimbo la Segerea. Hata vituo vidogo vilivyopo vinafugwa saa 12:00 jioni”.
Waitara amesema kituo cha Stakishari ambacho wanakitumia kwa sasa, uwezo wake wa kuhudumia majimbo mawili ni mdogo. Hasa kutokana na kutokuwa na usafiri wa uhakika pindi askari wa kituo hicho wanapohitajika kutoa huduma katika majimbo hayo.
“Askari wa Kituo cha Stakishari wanalazimika kutumia gari ya OCD. Inapotokea OCD kaondoka na gari, basi huduma ya polisi inayotumia gariinakosekana,” amesema Waitara.
Aidha, Waitara amelitaja tukio la Disema, mwaka jana la uvamizi, uporaji wa fedha na mauaji ya askari wawili kwenye Benki ya CRDB Tawi la Chanika kama moja ya matukio ya kiharijfu yanayochangiwa na kutokuwepo vituo vya polisi katika jimbo hilo.
“Mara baada ya kupata nafisi ya kuongoza jimbo hili tayari nimeshirikiana na wananchi. Tumeanza mchakato wa ujenzi wa vituo vikubwa vya polisi vitatu ambavyo vitakuwa kata za; Kivule, Msongora na kata ya Zingiziwa. Tunaiomba serikali na Jeshi la Polisi ituonge mkuno katika kutatua tatizo hili.” amesema Waitara.
BONIFACE Jacob, Meya wa Manispaa ya Kinondoni amewatangazia kiama watendaji wa kata na mitaa ambao wanaihujumu serikali katika ukusanyaji mapato na kukwamisha shughuli za serikali,anaandika Pendo Omary.
Jacob ametoa kauli hiyo leo, wakati wa mkutano wake na watendaji hao, uliohudhuriwa pia na Ally Hapi, Mkuu wa Wilaya ya Kinondoni.
Kwa mujimu wa Jacob, mpaka sasa tayari watendaji watatu wamefukuzwa kazi na wengine watatu kusimamishwa kupisha uchunguzi kwa sababu ya kuhusika na kutuhumiwa kufuja fedha za maendeleo zinazotolewa na Halmashauri.
“Tayari wapo watendaji wa mitaa na kata waliochukuliwa hatua za kinidhamu. Watendaji wa kata waliofukuzwa ni; Ernest Missa, Ally Bwamkuu na Shabani Kambi yeye amesimamishwa. Watendaji wa mitaa waliosimamishwa ni; Dustan Kikwesha na Richard Supu huku Aneth Lema akifukuzwa,” amesema Jacob.
Jacob amesema watendaji hao wametuhumiwa kusababisha upotevu wa fedha zinazotolewa na Halmshauri zaidi ya Sh. 400 Milioni hali inayochangia kukwamisha maendeleo.
Wakati watendaji hao wakifukuzwa kazi na wengine kusimamishwa, Jacob amesema “kabla ya kumaliza mwaka wa fedha 2015/2016, tuna zaidi ya Sh. 60 Bilioni mitaani hazijakusanywa. Kuna watendaji wengine wanaona sio wajibu wao kuzikusanya.
“Kwa mfano mpaka sasa kata zinazoshika mkia kwa ukusanyaji duni wa kodi ya majengo ni; Mburahati Sh. 1,965,147 Milioni, Kibamba Sh. 1,832,150 Milioni, Mabibo Sh. 1, 824, 803 Milioni, Mabwepande Sh. 1,754,067 Milioni na Kimara Sh. 235,832. Kwa mtu ambaye hatusaidii kwenye jukumu hili tutamtafutia kazi nyingine ya kufanya,” amesema Jacob.
Aidha, amezitaja kata ambazo zimefanya vizuri katika ukusanyaji wa kodi ya majengo kuwa ni; Msasani Sh. 822,581,821, Sinza Sh. 518,136,560, Mikocheni Sh. 215,986,462, Mbezi Juu Sh. 116,170,484 na Bunju Sh. 86,772,400.
Kwa upande wake Hapi amesema “watendaji wetu wamekuwa wakifanya kazi kwa mazoea. Nimeamua kuisaidia Halmashauri ya Kinondoni. Afisa biashara tumemwondoa. Haendani na kasi yetu. Kuna watendaji wanawanyanyasa wananchi, wanawatoza fedha hawawapi risiti. Ninatoa onyo.”
Mkakati wa kuteka nchi unapangwa na Chama cha Demokrasia na Maendeleo (Chadema),anaandika Happiness Lidwino.
Ni kwa kufanya ziara nchi nzima kwa lengo la kukukumbusha wananchi kwamba, nchi inapaswa kuendeshwa kwa mujibu wa Katiba ya Jamhuri.
Kumekuwepo na malalamiko kwamba, Rais John Magufuli anaendesha nchi kinyume na taratibu pia Katiba ya Nchi na kwamba, ziara hiyo imepangwa ili kuzindua wananchi wajibu wa kudai viongozi waongoze kwa mujibu wa Katiba ya Nchi.
Ziara hiyo imepangwa kuanza kutekelezwa tarehe 7 Juni mwaka huu. Ziara hiyo itaanzia mkoani Shinyanga, Wilaya ya Kahama.
Baada ya hapo kutakuwa na timu mbili zitakazozunguka katika mikoa yote nchini ikiwemo ya Chato, Bukoba, Geita, Sengerema, Muleba, Meatu, Bunda, Bariadi na kumalizika Mwanza ambapo timu hizo mbili zitakutana.
Akizungumza na waandishi leo Jijini Dar es Salaam Mkurungenzi wa Oganezesheni na Mafunzo wa CHADEMA, Kigaila Benson amesema, timu hizo mbili pia zitafika katika nyanda zote nchini zikiongozwa na viongozi wote wa chama pamoja na wajumbe wa kamati kuu ya chama na kisha ziara hiyo kumalizikia Dar es Salaam.
Benson amesema, kwa kuwa Chadema ni chama kikubwa cha upinzani kina haki ya kufanya ziara hiyo ya kuwafumbua macho na kuwaelimisha wananchi juu ya uongozi anaodai wa kidikteta unaofanywa na Rais Magufuli.
“Tangu kuingia madarakani Rais Magufuli kumekuwa na ukiukwaji wa sheria na katiba, serikali imekuwa ya mtu mmoja na maamuzi ya mtu mmoja kana kwamba, hakuna wizara husika kitu ambacho kinawakandamiza wananchi na kushindwa kupata haki zao,” amesema.
“Hatuta choka kupiga kelele anapoenda kinyume na kupuuza Katiba ya nchi na tunataka wananchi wa mtambue na wajue namna ya kudai haki zao. Tangu kuingia kwake madarakani hakuna maendeleo zaidi ya kulipiza visasi kwa watu ambao hawakumuunga mkono wakati wa kampeni.
“Rais Magufuli amevunja na kuvuruga vitu vingi vilivyopo kwenye Katiba ikiwepo sikukuu, kupanga matumizi ya fedha wakati wizara husika zipo, uvurugaji wa bunge na mengine mengi yasiyomuhusu,” amesema.
Aidha Benson amesema kuwa, wananchi nchini wajiandae kupewa elimu ya utambuzi na kuanza kuchukua hatua juu ya utendaji wa mtu waliyempa dhamana ya kuwaongoza. Pia amesema tayari wameshatoa taarifa katika vyombo vya usalama na hivyo wananchi wasiwe na shaka.
SERIKALI imekanusha habari zilizoandikwa na gazeti la Kiingereza linalotpka kila wiki lililodai kuwa Rais Dk.John Magufuli anaongoza ...
Maharusi wetu Mr and Mrs Bubeki Ukihitaji picha zenye ubora basi tuone tukabidhi tukupigie picha kwenye sherehe yako kama hizi Ni...
Nchi inaweza kuwa maskini zaidi duniani kama wana Pato duni la Asili , Kuna rasilimali kidogo, ukosefu wa ajira na maende...
3 hours ago
0 comments:
Post a Comment
Links to this post