Chui aliyevamia shule India atoweka

• Dakika 57 zilizopita

Mshirikishe mwenzako

Hauhitaji Media Player

Pata usaidizi kuhusu Media Player

Bonyeza 'Enter' kuendelea au kurejea mwanzoni

Chui aliyeingia kwenye shule India na kujeruhi watu sita ametoroka kutoka eneo ambamo amekuwa akizuiliwa kwa matibabu, maafisa wamesema.

Chui huyo wa umri wa miaka minane aliingia kwenye shule moja mjini Bangalore, Kundalahalli tarehe 8 Februari na kujeruhi watu hao kabla ya kutulizwa na kukamatwa.

Image copyrightPress Trust of India

Image captionChui huyo alijeruhi watu waliokuwa wakisadia kumkamata

Alipelekwa kwenye mbuga ya taifa ya wanyama ya Bannerghatta kwa matibabu na kuwekwa kwenye kizimba lakini akatoroka Jumapili.

Maafisa wanasema hakuna haja ya watu kuwa na wasiwasi.

• Ndovu aingia mjini na kuhangaisha watu India

"Hakuna haja ya kuwa na wasiwasi kwani ingawa ametoroka kutoka kizimbani, bado yumo ndani ya mbuga,” mkurugenzi wa mbuga hiyo Santosh Kumar ameambia wanahabari.

"Lakini tulitaka kumzuilia kwa siku kadha zaidi kwani alikuwa akipokea matibabu,” ameambia hazeti la Hindustan Times.

Image copyrightKashif Masood

Image captionShule 142 zilifungwa baada ya chui mwingine kuonekana

Maafisa hao wanasema chui huyo alitoroka baada ya wafanyakazi wa mbuga hiyo kufungua kizimba ili kumlisha, labda kutokana na mlango kutofungwa vyema.

Chui kadha wameonekana karibu ana mji wa Bangalore na kusababisha shule 142 kufungwa kama tahadhari.